Pilotsız sistemalar quvetleriniñ komandanı Robert Brodi (Madâr), Armannıñ 24-ne keçer gecesi SBS bölükleri cebe arqasındaki RF Silâlı quvetleriniñ 66 nışanını urğanını bildirdi.
Obyektler arasında Aq-Şeyqteki "ST-68" radar stansiyası ve Qara deñizdeki Rusiye kölge flotunıñ eki gemisi: tanker ve balker.
Madârnıñ malümatına köre, bundan ğayrı, MiG-29 qırıcı uçağı ve Rusiyeniñ Rostov vilâyetindeki bir qaç radar, Herson vilâyetiniñ işğal etilgen qısmındaki Strelkovadaki SOBR bazası, vaqtınca işğal etilgen topraqlardaki bir sıra energetik noqtalar ve yaqıt toldurıcılar ve Rostov ve Aqyar arasındaki trassadaki obyektler zarar kördi.
Rusiye askerleri bu ücüm aqqında daa bir şey bildirmediler.
Qırım.Aqiqat cenk şaraitinde bu malümatnı mustaqil sürette teşkerip, tasdıqlayalamay.