Rusiye Federatsiyası Ukrayinağa ücüm etmek içün 449 arbiy ava vastasını qullandı, olarnıñ bir qısmı işğal etilgen Qırımnıñ Sarabuz qasabasından uçurıldı, dep bildire Ukrayina Arbiy Silâlı quvetleriniñ Ava quvetleri.
Berilgen malümatqa köre, Rusiye ordusı çeşit tipte 430 uçuşsız uçaq (qararnen 300 Şahed), üç X-47M2 "Kınjal" aerobalistik raketası, "Sirkon" gemige qarşı raketası, 6 İskander-K/İskander-M/KN-23 qanatlı raketasınen ücüm etti.
Ukrayina arbiyleri aytqanı kibi, 405 dron ve 14 raketa, şu cümleden eki "Kinjal" aerobalistik raketa zararsızlandırıldı.
13 yerde raketa ve 23 ücüm ücüm etici pilotsız uçaq urğanı, 44 yerde ise parçalar tüşkeni qayd etildi.
Ava quvetleriniñ malümatına köre, Rusiye ücüminiñ esas yönelişi Kıyiv şeeri edi. Bundan da ğayrı, ücüm neticesinde Kıyiv, Harkiv, Odesa, Poltava ve Çerkası sakinleri zarar kördi.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastruktursına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini ayta.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.