Avgustnıñ 3-nde saba Rusiye ordusı Hersonnı kene ateşke tuttı, dep bildirdiler Prezident ofisinde.
"Sabadan rusiyeliler Hersonğa toplardan ateş açtı. Adamlarnı işke alıp ketken cemaat naqliyatına darbe endirdiler. İlk malümatqa köre, üç insan yaralandı", - dep yazdı Prezident ofisiniñ reberi Andriy Yermak.
Şimdilik diger tafsilât yoq. Berilgen malümatqa köre, keçken künü RF ordusı Hersonğa 72 mermi atqan ve mesken maallelerge urğan. Bunıñ neticesinde eki adam yaralanğan.
Rusiye ordusı aman-aman er kün Hersonnı ve vilâyetniñ işğalden azat etilgen qısmını ateşke tuta.
İsbatlar olğanına baqmadan. Moskva arbiy olmağan adamlarğa ücüm etkenini inkâr ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.