Rusiyeniñ Qırım işğaliniñ ilk qurbanı qırımtatarı Reşat Ametov bugün 47 yaşını tolduracaq edi. Bu aqta Qırımtatar resurs merkezi teşkilâtı hatırlattı.
«2014 senesi martnıñ 3-nde kamuflâj urbada kimligi belli olmağanlar onı yarımada işğaline qarşı bir kişilik narazılıq aktsiyasını keçirgen Aqmescitniñ merkezinde hırsızladılar. Erkekniñ cesedi sol közünde kesüv yaraları ve bir çoq beden zararlanmasınen martnıñ 15-nde Qarasuvbazar rayonınıñ Ortalan (Zemlâniçnoye) köyüniñ tarlasında tapıldı. Başı skotçnen baylanğan, qollarında qırçmalar bar edi. Üç balası qaldı. 2014 senesi aprel ayında sahte Qırım Cumhuriyetindeki Rusiye Federatsiyasınıñ Tahqiqat idaresiniñ Tahqiqat komiteti Reşat Ametovnıñ öldürilüvinen bağlı cinaiy dava açtı. 2015 senesi dava qapatıldı. Tahqiqat Reşat Ametovnıñ öldürilüvine alâqası olğan şahıslarnı öyle de tapmadı», – dep aytıla haberde.
Qayd etilgenine köre, BM Ukrainadaki insan aqları monitoring missiyası Ametovnıñ hırsılanuvı ve öldürilüvine «Qırım samooboronasınıñ» alâqası bar olğanını isbatlağan malümatı bar, dep bildirgen eli.
«Qırımtatar Milliy Meclisiniñ azası Eskender Bariyev de aynı fikirde, Qırımtatar resurs merkeziniñ idare reisi Reşat Ametov Rusiye tecavuzına qarşı Ukrainanıñ 2014 bütünligi oğrunda küreşiniñ timsali ola, dep qayd etti», – dep bildirdi Qırımtatar resurs merkezi.
Teşkilât, onıñ malümatına köre, Qırım işğali vaqtında 57 insan elâk oldı, 27-si – qırımtatarı:
- Siyasiy repressiyalarnıñ qurbanları (2-si – qırımtatarı);
- Ayırım qurbanları (13, 11-i – qırımtatarı);
- Terror qurbanları (30, 8-i – qırımtatarı);
- Siyasiy zulum qurbanları (12, 6-sı – qırımtatarı).
- Qırımtatar resurs merkezi halqara toplulıqqa muracaat etip, Rusiyeden bu davalarnı bütünley tahqiq etmesini talap etmege rica etti.
Reşat Ametovnıñ cenazesi. Nasıl edi (fotogalereya)