"Olarda yengil ağırlıqta olğan parça yaraları bar. Şimdi olarnı hastahanege alıp keteler", — dep bildirdi Razvojayev.
Onıñ bildirgenine köre, Novikov soqağı civarında raketa parçaları tüşti, Vygonnaya soqağındaki şahsiy evniñ camları, damı ve tavanı qırıldı, Jukov soqağında da bir qaç ev zarar kördi.
Muarririyetniñ şeerniñ Rusiye akimiyetiniñ beyanatlarına dair delilleri yoq.
İyünniñ 23-nde yerli ve rusiyeli telegram kanalları Aqyar, Kezlev ve Saq rayonlarında patlavlarğa oşağan yüksek sesler ve ava mudafaasınıñ işi aqqında bildirdiler. ASTRA telegram kanalı Aqyar sakinlerine atfı etip yazğanına köre, ücüm vaqtında şeerde ava telükesi aqqında signal yoq edi, plâjlarda ise balalı qorantalar çoq edi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.