"Rofneft" şirketine ait Râzan cermay zavodı İlk küzniñ 6-nda Ukrayin uçucısız uçaqlarınıñ ücüminden sebep işini toqtattı. Bu aqta Reuters agentligi, sanayınıñ eki menbasına atıf eterek bildire.
Neşirniñ malümatına köre, darbe neticesinde AVT-6 esas qurulışınıñ ve AVT-4 qoşma qurulışınıñ işi toqtatıldı. Diger esas qurulış — AVT-3 — Quralaynıñ ortasından itibaren tehnikiy hızmette buluna.
Reuters menbalarınıñ malümatına köre, zarar körgen binalarnıñ tamiri bir qaç afta süre bile.
Zavodğa İlk küzniñ 6-nda ücüm etildi, Râzan vilâyetiniñ gubernatorı Pavel Malkov "işhanelerden birinde" yanğın aqqında bildirdi.
Râzan neft cermay zavodı Rusiyede eñ büyüklerden biridir, onıñ quveti yılda 17 million tonna neftni teşkil ete. Rusiyeniñ Ukrayinağa istilâsı başlağanından berli şirket 17-nci kere Ukrayin uçucısız uçaqlarınıñ ücümine oğray.