Çinniñ Hubei vilâyetinde 242 ölüm ve 14 840 koronavirus hastalığı adisesi aqqında bildirdiler. Bu diagnostikanıñ metodologiyası deñişkeninden soñ oldı, haber ete Azatlıq Radiosı.
Umumen Hubeide 1310 ölüm ve 48 206 hastalıq adisesini qayd ettiler.
Vilâyetniñ sağlıq saasınıñ vekilleri, eski metodologiya boyunca hastalarnıñ sayısı 1508 olacaq edi, dep haber etti.
Ubir kün içinde Qıtaynıñ qıta qısmında hastalarnıñ sayısı 2 015-ke arttı. Ülkede yañı ölüm adiseleri aqqında haber yoq.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
Your browser doesn’t support HTML5
Смертельный вирус из Китая: все, что известно (видео)