Çin sağlıq hızmeti, Qıtaynıñ qıtasında koronavirus COVID-19 adiseleriniñ sayısı 63 851-ge yetkenini haber ete. Olarnıñ malümatına köre, 1380 adam öldı, bildire Azatlıq Radiosı.
Fevralniñ 14-ünde Qıtay, COVID-19 virusı ile 5 090 yañı hastanıñ olğanını ve 121 adamnıñ ölgenini haber etti.
Çinniñ Hubei vilâyetinde 242 ölüm ve 14 840 koronavirus hastalığı adisesi aqqında bildirdiler. Bu diagnostikanıñ metodologiyası deñişkeninden soñ oldı.
Umumen Hubeide 1310 ölüm ve 48 206 hastalıq adisesini qayd ettiler.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.