«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını «terrorist» birleşme cedveline kirsetip, onı yasaq etti.
Qırımtatarlar Aksenovğa kelip, afu soramasını talap etti. O, çıqmadı (video)
Your browser doesn’t support HTML5
Qırımnıñ Rusiye yolbaşçısı Sergey Aksenov Aqmescitte Qırımnıñ Rusiye ükümetiniñ binası ögünde toplaşıp, terrorizmde qabaatlağanı içün afu soramasını talap etken apiske alınğan ve mahküm etilgen qırımtatarlarnıñ tuvğanları, qırımtatar milliy areketi veteranları yanına çıqmadı. Laf Qırımnıñ Rusiye yolbaşçısınıñ Facebookta yazğanları aqqında kete. O, Rusiyeniñ Rostov-na-Donu Cenübiy okrugınıñ arbiy mahkemesi çıqarğan üküm arfesinde Keriç köpründe Rusiye uquq qoruyıcıları dava mabüslerine «qol tutmağa» istegen vatandaşlarnı tuttı, dep bildirdi. Soñra ise «Hizb ut-Tahrir ile alâqalar» ve terrorizmni desteklev» Rusiye qanunlarını boza, dep qayd etti. Mahküm etilgen Seyran Saliyevniñ ömür arqadaşı Mumine Saliyevanıñ fikirince, Qırım yolbaşçısı soy-soplarına mahkemede qol tutmağa istegen insanlarnı ne içün «terrorist» dep sayğanını añlatmaq kerek. Keçken afta Rusiye kontrolindeki Qırımnıñ milletlerara munasebetler işleri devlet komitetiniñ reisi Albert Kangiyev Nazirler şurasınıñ binası ögünde Qırımnıñ Rusiye yolbaşçısı Sergey Aksenovdan afu soramasını talap etken qırımtatar faallerinen laf etip, bazarertesi künü, noyabrniñ 9-nda, bir qaç qırımtatarınen qapalı bir körüşüv keçirilmesini teklif etti. (Video: Qırım birdemligi)