Kreml kontrolindeki Aqmescitniñ Kiyev rayon mahkemesiniñ oturışuvı vaqtında dekabrniñ 13-nde qırımtatar faali Edem Bekirov yaramadı, oña «acele yardım» çağırıldı. Bu aqta Qırım.Aqiqat mühbiri haber ete.
Oturışuvda Acele yardım kelgenine qadar teneffüs ilân etildi.
Advokatlarnıñ aytqanına köre, Bekirov – birinci gruppa saqatı. O, şeker hastası, yaqında infarktqa oğradı ve yürekten ameliyat oldı.
Herson vilâyetindeki Novoalekseyevka qasabasınıñ sakini Edem Bekirov dekabrniñ 12-nde saba Qırım kirişinde Rusiye uquq qoruyıcıları tarafından tutuldı. O, 78 anasını ve aqrabalarını ziyaret etmek içün Qırımğa ketti. Daa soñra onı Aqmescitteki Rusiye FSB binasına alıp ketkenler.