Salı künü, sentâbr 17-sinde, Qırım parlamenti, rusiye saylavlarında soñ ilk oturışına toplanacaq.
Qırım parlamentiniñ saytında yazılğanı kibi, sessiya saat 10:00 açılacaq.
"Krıminform saytınıñ malümatına köre, oturışnı, yaşına köre mebuslarndan eñ büyük olğan, Yefim Fiks açacaq. O, spiker saylanmasına qadar oturışnı alıp baracaq.
Matbuatqa köre, "parlament azaları şeadetname ve mebus belgiçigini alacaq". Soñra sentâbr 20-sinece oturışnıñ teneffüsi ilân etilecek.
Fiksniñ haber etkenine köre, sentâbr 20-sinde sessiyanıñ iş organlarınıñ tizmesi, parlamentniñ yañı spikeri saylaması ve, şimdi Sergey Aksönov becergen, Qırım başınıñ vazifesine namzetlerden birisi içün rey bermesi olacaq.
Sentâbr 8-inde rusiye akimiyeti Qırım ve Aqyarda yerli şuralar ve Qırım parlamenti mebuslarınıñ saylavlarını keçirdi.
Avropa Birligi, sentâbrniñ 8-inde Qırım ve Aqyarda keçirilgen rusiye saylavlarını qabul etmey.
Sentâbr 11-inde Ukraina Yuqarı Radası, Qırım ve Aqyarda keçken rusiye saylavlarını qanunsız tanıdı.