Bugün saba Qırımnıñ Seyitler qasabasında elektrik altstansiyada yanğın çıqqan. Bu vaqia aqqında Qırım cemaat gruppaları haber ettiler.
"Krımskiy Veter" haber ete ki, "atışma olğan, amma patlavlar olmağan", em de bu elektrik altstansiyası 2026 senesi Orta küzniñ 1-de endi urulğan eken.
Qırımdaki Rusiye akimiyeti energetika obyektinde yanğın olğanı aqqında haber etmedi.
Rusiyeniñ Mudafaa nazirligi öz saba haberinde Rusiye Federatsiyasınıñ 26 regionı, ilhaq etilgen Qırım ve Qara deñizniñ territoriyaları üstünde 644 Ukrayin BPLA-sı tutulğanı ve yoq etilgeni aqqında haber etti.
Ukrayina askerleri bu vaqia aqqında daa haber etmediler.
Qırım.Aqiqat cenk şaraitleri sebebinden bu malümatnı mustaqil sürette tasdıqlap olamay.
2022 senesinden başlap Qırım yarımadasınıñ territoriyasına aman-aman er kün pilotsız uçaq ve raketalar ücüm ete. Çoqusı allarda Rusiye Mudafaa nazirligi ya da Rusiye akimiyeti, bu malümatnı tasdıqlasa bile, arbiy obyektlerge zarar ketirilgenini tasdıqlamay.