Rusiyeniñ nezaretinde olğan Qırımnıñ yolbaşçısı Sergey Aksönov Qırımnıñ içtimaiy ağlarında Ermeni Bazardan sakinlerniñ tahliyesi ile bağlı "sahte malümat" darqalğanını bildirip, "tahliye keçirilmegenini" ve Qırım sakinlerini "yalıñız işançlı malümat menbalarına inanmağa" çağırdı.
"Telegram kanallarındaki Ermeni Bazardan tahliye ile bağlı haberler aqqında. Bu sahte malümat. Tahliye keçirilmey", - dedi Aksönov.
Rusiyeniñ nezaretinde olğan Qırımnıñ yolbaşçısınıñ mesleatçısı Sergey Krüçkov, dersiñ Qırımnıñ içtimaiy ağlarında rus askerleriniñ adından yerli sakinderniñ Ermeni Bazardan tahliyesi ile bağlı malümat darqalğanını bildirdi.
Ermeni Bazarnıñ Rusiye yolbaşçısı Vasiliy Telijenko da bu malümat sahte ve şeerde vaziyet turğun olğanını bildirdi.
"Şeerde vaziyet turğundır. Şeerniñ episi işhaneleri ve müessiseler er vaqıttaki kibi çalışalar. Tahliye aqqındaki malümatqa kelgende, bütün bu sahtedir. Er kesni sakin olmağa ve tek işançlı malümatqa inanmağa çağıram", - dedi o.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.