Rusiye tarafından ilhaq etilgen Qırım sakinlerine sanatoriy-kurort tedaviylevi içün köstergiçleri olğanlarğa imtiyazlı yollanmalarnı bermeyler. Bunı Qırım aq qoruyıcılarından biri Qırım.Aqiqatqa bildirdi .
Onıñ malümatına köre, böyle bir şey bu yılnıñ başından berli faal surette yüz bere.
"Yazıq ki, şimdi Qırımlılarnıñ sağlıq saqlav müessiselerinden imtiyazlı şifahane-kurort yollamasını almaq imkânları yoq. Bu mesele boyunca maña kelgen signallardan soñ, sebepni ögrenmege başladım, bu yıldan başlap, imtiyazlı yollamalar tek "SVO" veteranları ve iştirakçilerine ve olarnıñ aile azalarına berile. Şimdi sanatoriy-kurort tedaviylenüvine muhtac olğan Qırımlılar yolculıqnı özleri ödemek kerekler, amma yolculıqnıñ paalı olğanını köz ögüne alsaq, muhtac olğanlarnıñ tek bir qısmı bunı yapıp olur", — dep tarif etti Qırım.Aqiqatqa aq qorçalayıcı.
Aq qorçalayıcı qayd etti ki, Qırımğa imtiyazlı yollamalar Kıyivniñ kontroli altında olmağan qıtaiy Ukrayina topraqlarından kelgen "SVO" iştirakçileriniñ qoranta azalarına berile.