Ukrayinada, Capture The Flag (CTF) feninde ilk resmiy Tehnologik sport çempionatınıñ finalı olıp keçti . Yarışta 18 bölgeden 33 taqım iştirak etti, Qırımlı bir taqım birinci yerni qazandı. Bu aqta Devlet mahsus bağları bildire.
Birinci yerni Qırım Muhtar Cumhuriyetinden "skif0perator" taqımı, ekinci yerni Lviv vilâyetinden "Snufkink" taqımı, üçünci yerni Kıyivden "ByteMe" taqımı qazandı.
"Bugün biz şimdiki kiberpotentsialımıznı ve kelecekte olacaq kiber rezervimizni köremiz", — dep qayd etti Devlet mahsus bağları yolbaşçısı Aleksandr Potiy.
Capture The Flag şeklinde yarışlar informatsion sistemalardaki zayıf yerleriniñ tapılmasını ve yoq etilmesini köz ögünde tuta. Bu, kiber mudafaa saasında beceriklerni inkişaf ettirmek içün tehnologik sportnıñ bir yönelişi.