Qırımlı advokatlarnıñ ofisine ücüm: nezaret kameralarınıñ videosı (video)

Aqmescitte qırımlı advokatlar Emil Kurbedinov ve Edem Semedlâyevniñ ofisinde camnı sındırğanlar. Nezaret kameralarınıñ videolarında körüne ki, kimligi belli olmağan insan maden borunen camnı sındırıp, pencereni açtı. Semedlâyevniñ bildirgenine köre, bu kişi advokatlarnıñ ofisine kirmege tırıştı, faqat onı parmaqlıq toqtattı. Advokat, «advokatlarnıñ birleşmesine yapılğan basqınıñ daa bir numayışı» olğanını inkâr etmedi. (Video: «Qırım birdemligi»)