Öldürüv, hırsızlav, Meclis: Qırımdaki Rusiye Tahqiqat komitetiniñ eñ gürültili işleri (fotoresimler) 

2015 senesi yanvar ayında Rusiye Tahqiqat komiteti Qırımda «fevral 26 davası» boyunca Qırımtatar Milliy Meclisiniñ liderlerinden biri Ahtem Çiygoz apiske alındı, dep bildirdi. O, 2014 senesi fevralniñ 26-nda Qırım parlamenti ögünde «qalabalıqlarnı» teşkil etkeninde qabaatlandı. Çiygoz qabaatlarnı red etti.

2014 senesi fevralniñ 26-nda Qırım Yuqarı Şurasınıñ binası ögünde Ukraina topraq bütünligine qol tutuv mitingi olıp keçti. Miting iştirakçileri Rusiye tarafdarı faallerge, hususan «Rus birligi» firqasına tirendi

2015 senesi fevralniñ 19-nda Tahqiqat komiteti «Massandra» baş müdiri, Ukraina Qaramanı Nikolay Boykoğa (fotoresimde ortada) qarşı cinaiy dava açtı. O, «vekâletlerni suistimalından» şübheli sayıla ve vazifesinden boşatıldı. Boyko, esas Ukrainağa ketti, 2020 senesi Qırım.Aqiqatqa intervyü berdi. O, «ketmege pek zor oldı» ve «Massandranıñ» «şarabını printsipial şekilde içmey», dep tarif etti

2015 senesi mayısta Qırımda Rusiye mahkemesi Euromaydan faali Aleksandr Köstenkoğa üküm çıqardı. Tahqiqat komiteti onı 2014 senesi fevralniñ 18-nde «Berkut» Qırım bölüginiñ hadimine zarar ketirgeninde qabaatladı. Köstenko qabaatını tanımadı. O, cezası bitkeninen 2018 senesi avgust ayında azatlıqqa çıqtı

2015 senesi oktâbr ayında Tahqiqat komitetiniñ malümatları esasında Keriçteki Rusiye mahkemesi Keriçniñ sabıq şeer yolbaşçısı (1988-2014) Oleg Osadçiyge (soldan) 200 biñ ruble para cezasını berdi. O, 2014 senesi mart ayından iyün ayına qadar topraq kirası añlaşmasındaki topraq damartısı sıñırlarını qanunsız şekilde deñiştirip, onı soyuna bergeninde qabaatlandı. Osadçiy, qabaatlav ve mahkeme qararını açıq şekilde izaatlamağan edi

2016 senesi mayısnıñ 27-nde Rusiye Tahqiqat komitetiniñ Qırım idaresi, devlet şurasınıñ sabıq deputatı, Dünya qırımtatar kongressi icra komitetiniñ azası Ervin İbragimovnı qıdırıp başladı, dep bildirdi. Bundan eki kün ögüne İbragimov ğayıp oldı, maşinası ise orta yolda tapıldı. 2021 senesine qadar onı öyle de tapmadılar, qabaatlılar da tapılmadı.

Kyivdeki faaller Rusiye elçihanesiniñ binası ögünde «Ervin qayda?» aktsiyasını keçirip, onıñ ğayıp oluvını tahqiq etmege talap ete

2018 senesi martnıñ 7-nde Qırımdaki Tahqiqat komiteti Keriç sakini, Cezalarnı yerine ketirüv hızmetiniñ sabıq hadimi Pavel Samaranı Larkovlar qorantasını (fotoresimde) haris maqsadlarınen öldürgeninde qabaatlanıp tutuldı, dep bildirdi. Qabaatlanğan kişi qorantanı atıp öldürdi, balanı ise ana-babasınıñ cesedlerinen beraber maşinada qapatıp, havuzğa attı. Samara 2019 senesi ömür boyu apis cezasına üküm etildi

2018 senesi fevral ayında Rusiye Tahqiqat komiteti qırımtatar milliy areketiniñ veteranı Veciye Kaşkanıñ ölüminen bağlı dava açmağa razı olmadı. Advokat Nikolay Polozov Avropa insan aqları mahkemesine şikâyet etti. Veciye Kaşka 2017 senesi noyabr ayında Aqmescitte Rusiye quvetçileri Kazim Ametov, Asan Çapuh, Ruslan Trubaç ve Bekir Degermencini tutqanda vefat etti. Qırımdaki Rusiye qadısı Olga Kuznetsova Kaşka «qart edi ve ondan can berdi», dep ayttı

2018 senesi mart ayında Kefe Rusiye memuriyetiniñ sabıq yolbaşçısı Dmitriy Şçepetkov 8 yıl apis cezasına ve 42 million ruble para cezasına üküm etildi. O, büyük miqdarda qabar alğanında ve vekâletlerden tış areket etkeninde qabaatlandı

2018 senesi avgustnıñ 29-nda aqmescitli ukrain faali Olga Pavlenkonıñ evinde Rusiye quvetçileri tintüv keçirdi. O ve aile azaları qomşu Rusiyede yasaqlanğan «Pravıy sektor» ile alâqalarından şübheli sayıldı. Tintüvden soñ o, Qırımdaki Rusiye Tahqiqat komitetiniñ baş idaresinde sorğuğa çekildi. Qadın sorğu tafsilâtlarını paylaşmadı. Aynı yılnıñ sentâbr ayında Pavlenko Qırımdan esas Ukrainağa ketti

Tahqiqat komitetiniñ hadimi 2018 senesi oktâbrniñ 17-nde patlav ve ateş olğan keriç politehnik kolleciniñ binasında. Faciada 22 insan elâk oldı. Rusiye Tahqiqat komitetiniñ versiyasına köre, patlavnı 4-ünci kurs talebesi, 18 yaşında Vladislav Roslâkov kerçekleştirdi. O, «özüni öldürdi». 2019 senesi Rusiye Tahqiqat komitetiniñ yolbaşçısı Bastrıkin «Keriç atıcısı» Roslâkovnı sınıfdaşları aşalağan eken, dep bildirdi. Qırım Muhtar Cumhuriyetiniñ prokuraturası Keriç politehnik kollecindeki patlavnı terror ücümi olaraq tasnif ete

Rusiye Tahqiqat komiteti İsmail Ramazanovnı Zello internet ratsiyası vastasınen ekstremizm propagandasında qabaatladı. O, 2018 senesi yanvarniñ 23-nde evinde keçirilgen tintüvden soñ tutuldı. Qırımlı yarım yıl SİZOda tutuldı. 

2019 senesi yanvar ayında Qırımda Tahqiqat komiteti ekstremizmde qabaatlanğan qırımlı İsmail Ramazanovnıñ cinaiy davasını toqtattı. O sene fevral ayında Ramazanov Rusiyeniñ «ekstremistler cedvelinden» de çıqarıldı

2019 senesi avgust ayında Qırım ve Aqyardaki Tahqiqat komitetiniñ idaresi bir qurulışqa birleştirildi. Reberi olaraq Vladimir Terentyev tayin etildi. Qırım Tahqiqat komitetiniñ sabıq yolbaşçısı (2014 senesinden berli) Mihail Nazarovnı (fotoresimde) pensiyağa yollağanlar, amma 2020 senesi noyabr ayında Qırımnıñ Rusiye baş naziriniñ yañı muavini yapqanlar

2020 senesi mart ayında Qırımdaki Tahqiqat komiteti Qırımtatar Milliy Meclisiniñ reisi Refat Çubarovğa qarşı cinaiy dava açtı. Bunıñ sebebi 2014 senesi fevralniñ 26-nda olıp keçken adise-vaqialar oldı. Laf Aqmescitte Qırım Muhtar Cumhuriyetiniñ binası ögünde Ukraina topraq bütünligine qol tutuv mitingi aqqında kete. Çubarov ğıyabiy şekilde «qalabalıqlarnı» teşkil etkeninde qabaatlandı. Onıñ qayd etkenine köre, Qırımnıñ Rusiye akimiyeti «qırımtatar halqına qarşı» daa bir repressiya dalğasını başlattı

2020 senesi aprelniñ 13-nde Qırımdaki Rusiye Tahqiqat komitetiniñ idaresiniñ qırımtatar halqınıñ lideri Mustafa Cemilevni ğıyabiy şekilde qabaatlağanı aqqında belli oldı. Rusiye Ceza kodeksiniñ üç maddesine istinaden dava açıldı: «çetel vatandaşınıñ Rusiye devlet sıñırından qanunsız keçmesi», «silânı diqqatsız saqlav» ve «silâ parçalarını diqqatsız saqlav». Qırımtatar halqınıñ lideri onı Rusiyede ve Qırımda taqip etkenlerge qarşı ğarbiy sanktsiyalarnıñ kenişletilmesine irişmege niyetlene

2020 senesi iyülniñ 25-i. Aqmescit rayonınıñ Mamaq köyünde 3 yaşında Musa Suleymanovnı qıdırdılar. Tahqiqat komiteti cinaiy dava açtı, ğayıp olğan oğlançıqnıñ anasını poligrafta teşkerüvden keçmege zorladılar. İyülniñ 26-nda Musa ev yanındaki çuqurda tapıldı

2020 senesi iyülniñ 31-nde «Tavrida» yolunda mikroavtobus olğan yol qazasında doquz kişi elâk oldı. Qazada aydavcı qabaatlandı. Noyabr ayında Tahqiqat komiteti qabaatlanğan kişi qabaatını tanıdı, dep bildirdi

Rusiye baş naziri Mihail Mişustin Gaspradaki «Rodina» Qırım şifahanesiniñ (Ukrainada «Ukraina» olaraq qayd etilgen) qomşu Rusiyeniñ mülkine ve Tahqiqat komitetine berilgenine dair buyruqnı imzaladı. Yürek-damar hastalıqlarınıñ tedaviylevinen oğraşqan ve Ukrainada eñ büyük reabilitatsion merkezlerinden biri sayılğan şifahane artıq tek Rusiye tahqiqatçılarına ve qorantalarına hızmet etecek