Rusiye kontrolindeki Qırım Yuqarı mahkemesi Gurzufnıñ 30 yaşındaki sakinini "devlet hainliginde" qabaatlap, 13 yılğa azatlıqtan marum etti, dep bildire Aqyarnıñ Rusiye prokuraturası.
"Onı Rusiye Federatsiyasınıñ Ceza kodeksiniñ 275 maddesine binaen qabaatlı tanıdılar", — dep aytıla haberde.
Azatlıqtan marum etüvden ğayrı, erkekke 200 biñ ruble para cezası ve 1 yıl 6 ayğa azatlıqtan marum etüv şeklinde qoşma ceza berildi. Beyanatta dava tafsilâtları berilmey.
Adamnıñ adı ve soyadı belli degil. Mahkümniñ özü ya da onıñ imayesi tarafından açıq izaat da yoq.
İyülniñ başında Rusiye kontrolindeki Qırım Yuqarı mahkemesi Yalta sakinini "devlet hainligi"de qabaatlap, 21 yılğa apiske aldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.