Rusiyeniñ nezaretinde olğan Aqmescitniñ rayon mahkemesi oktâbrniñ 11 ve 29-nda tutulğan daa beş qırımtatarğa para cezasını berdi. Olar "Hizb ut-Tahrir davaları" boyunca Qırım garnizon arbiy mahkemesinde keçken oturuşlarğa diñleyici olaraq kelgen ediler. Bunıñ aqqında "Qırım birdemligi" cemaat birleşmesi cemaat imayecisi Sabri Talıpovğa atfı etip haber ete.
Onıñ sözlerine köre, mahkeme mudafaa tarafınıñ faallerniñ qabaatsızlığı aqqında bütün muracaatlarını körmemezlikke urğan.
Memuriy cöremeler Amethan Ümerov (10 biñ ruble), Eskender Memetov (15 biñ ruble), Ablâkim Menzatov (15 biñ ruble), Aziz Acametov (15 biñ ruble), İskander Celâlovğa (10 biñ ruble) berilgen.
Oktâbrniñ 11 ve 29-nda, Aqmescitteki Qırım garnizon arbiy mahkemesiniñ binası ögünde Rusiye quvetçileri Qurmandaki "Hizb ut-Tahrir davasınıñ" mabüslerine qoltutmaq içün toplaşqan faallerni tutıp, polis bölügine alıp kettiler.