Rusiye kontrolindeki Qırım Yuqarı mahkemesi Lenin rayonınıñ sakinini "devlet hainliginde" qabaatlap, 13 yılğa üküm etti. Bu aqta Rusiye kütleviy haber vastaları mahkeme matbuat hızmetine atfı etip bildire.
"1988 senesi doğğan Lenin rayonınıñ sakini RF Ceza kodeksiniñ 275-inci maddesine istinaden cinayet işlegeninde qabaatlı tanıldı — devlet hainligi", — mahkemeniñ beyanatından Rusiye haber agentligi "Krıminform" alıntı ketire.
Qayd etilgenine köre, qırımlı ukrayin mudafaa quvetlerine "Rusiye ordusına qarşı qullanıla bilecek" malümatnı toplap bere edi.
Mahküm etilgenniñ adı ve soyadı bildirilmey, onıñ bu dava boyunca açıq izaatları da yoq.
Ukrayinağa tam miqyaslı istilâ başlanğan soñ Rusiyede ve işğal etilgen topraqlarda cenkke qarşı çıqqanlar kütleviy sürette taqip etile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.