Qırımda aprelniñ 15-nde yağmur yağacaq, Aqyarda tuman olacaq. Bu aqta yarımadanıñ gidromettsentri bildire.
Sinoptiklerniñ malümatına köre, Aqmescitte bulutlı ava olıp, ara-sıra açılacaq. Yağmur yağacaq. Şimaliy-şarqiy yel süratı saniyede 8-13 m olacaq. Kündüz ava arareti +11…+13 derece olacaq. Aqyarda bulutlı ava olacaq. Gece, kündüz yağmur sepeleycek, tuman olacaq. Ğarbiy yel süratı saniyede 6-11 metr olacaq. Kündüz ava arareti +12…+14 derece olacaq.
Qırımnıñ cenübiy yalısında ava bulutlı olıp açılacaq. Yağmur yağacaq. Şimaliy-şarqiy yel süratı saniyede 8-13 metr olacaq. Kündüz ava arareti +13…+15 derece olacaq.
Tahminlerge köre, Keriçte bulutlı ava olacaq. Bazı yerlerde yağmur yağması beklenile. Gece şimaliy-şarqiy, şarqiy yel süratı saniyede 6-11 metr, bazıda 14 metr olacaq; kündüz cenübiy, cenübiy-ğarbiy yel süratı 12-17 metr olacaq. Kündüz ava arareti +13…+15 derece olacaq.
Qırımdaki qurtarıcılar yüksek azırlıq alına ketirilgen edi, aprelniñ 14-15-ne küçlü yağmur sebebinden acele tenbi ilân etildi.