Qırımda salı künü, fevralniñ 5-nde, sıcaq ava olması beklenile, Aqmescitte ava arareti +16° olacaq. Bu aqta yarımadanıñ gidrometmerkezi bildire.
Sinoptiklerniñ tahmin etkenine köre, Aqmescitte yağanaqlar beklenilmey, şarqiy yel saniyede 7-12 metr süratınen esecektir.
Aqyarda yağanaqlar yağmaycaq, şarqiy yel saniyede 5-10 metr süratınen esecek. Gece ava arareti +5…+7°, kündüz +11…+13° olacaq.
Qırımnıñ yalı boyunda yağanaqlar olmaycaq, şarqiy yel saniyede 7-12 metr süratınen esecektir. Gece ava arareti +5…+7°, kündüz +10…+12° olacaq.
Keriçte yağanaqlar beklenilmey, gece ve saba bazı yerlerde tuman olacaq. Gece şarqiy yel, kündüz şimaliy-şarqiy yel saniyede 5-10 metr süratınen esecektir. Gece ava arareti +1…+3°, kündüz +6…+8° olacaq.