Aqmescit, Aqyar, Keriç: Qırımda Zafer künü nasıl qayd etildi (fotoresimler)

Zafer künü Aqmescit merkezinde arbiy tehnika ve silâ numayışından başlandı

Anda yalı qaravulınıñ 126-ıncı brigadası, 8-inci top polku ve Qaradeñiz flotunıñ 22-nci ordu korpusına kirgen diger bölüklerniñ zırhlı tehnikası ve top silâsı taqdim etildi

Bazı şeerliler foto çıqarmaq içün balalarnı ordu urbasına kiydirip keldi

Arbiy paradda qomşu Rusiyeniñ 40 çeşit arbiy tehnikası ve silâsı iştirak etti, mında zırhlı maşinalar, 122 mm ve 152 mm kalibrli tirkeme silâları, «Osa» ve S-400 «Triumf» zenit-raketa kompleksleri, zırhlı maşinalar ve digerleri oldı

Aqmescitteki sönmegen ateş

Qırımnıñ Rusiye yolbaşçısı Sergey Aksenov Sönmegen ateşke çeçek qoydı

Ukraina pravoslav kilsesiniñ (MP) Aqmescit ve Qırım mitropoliti Lazar da çeçek qoydı

Şeerniñ merkezinde arbiy tehnika şeklinde ava topları, bayraqlar ve diger timsaller satıla edi. Satıcılar toplar içün 100 ruble, bayraqlar 50 ruble istedi

Aqyarda şeerniñ merkezinde Rusiye garnizonı, kadetler, «Artek» bala lageriniñ genç askerleri, veteranlar, qazaqlar ve arbiy urbada balalar keçti

«Ölümsiz polk» ayrı kolonna olıp keçti. Kommunist ve komsomollar büyük qırmızı yıldız ve Stalinniñ süretlerini alıp taşıdı

Nahimov caddesinden başta Rusiye garnizonınıñ orduları keçti. Soñra arbiy tehnika keldi

Keriçte mayısnıñ 9-nda «Ölümsiz polk» Rusiye aktsiyası quvetleştirilgen telükesizlik tedbirlerinen keçirildi

Haber etilgeni kibi, aktsiyanıñ bütün iştirakçileri ve seyircileri maden qıdırıcılardan keçti. Bazı vaqıtları insanlarnı el detektorlarınen teşkerip, çantalarını baqtılar

Aktsiyanıñ esas iştirakçileri devlette çalışqanlar, student ve mektep talebeleri oldı. Yürüş tahminen 15 daqqa devam etti