İşğal etilgen Qırımda energetik infrastruktura obyektlerine kütleviy darbelerden soñ Rusiye akimiyetiniñ yerli organları Ukrayina Mudafaa quvetleriniñ uçaqları ile küreşmek içün göñüllilerden mobil ateş gruppalarını (MOG) teşkil etmege başladı. Bu aqta Qırımlı faal Qırım.Aqiqatqa bildirdi.
"Şimdi Qırımnıñ aman-aman bütün şeerlerinde mobil ateş gruppaları teşkil etile, olarnıñ esas vazifesi dron ücümlerini tez vaqıtta tapmaq ve qaytarmaq. Aksönov, Rusiye mudafaa naziri tarafından Oraqnıñ başında körüşüvde berilgen Qırımnıñ ava ücümlerinden qorçalanması boyunca bütün kefaletlerniñ boş olğanını añlap, buña qol tuttı. Aynı zamanda añlaşıla ki, "Bars-Krım" bölükleri de müim infrastruktura obyektlerini qorçalap olamay. Şunıñ içün şimdi yerli akimiyet organları özleri MOG-larnı teşkil eteler, yerli sakinler arasından göñüllilerni celp eteler, esasen olar sabıq quvetçiler", - dep tarif etti Qırım.Aqiqatqa faal.
Qırımnıñ bazı şeerlerinde mobil ateş gruppalarını tekmillemek içün para toplanması ilân etile, bunıñ içün yerli inflyüencerlerni celp eteler.