Qırımda yañı koronavirus adisesi tasdıqlandı. Muayyen etilgen adam, özüni izolâtsiya rejimine qoymağan çetelden kelgen koronavirus hastasınen qonuştı.
Bunı öz Facebook saifesinde Sergey Aksönov yazdı.
"Bu adisenen bağlı profilaktika tedbirleri yapıla. Alâqada olğan şahıslarnıñ dairesi tayin etildi. Yaqın bağda olğan adamlarnı infektsiya bölügine qoydılar, yaqın bağda olmağanlar yaşağan yerlerinde izolâtsiyada olıp, tibbiy nezaret altında bulunalar. Bu şahıslarnıñ laboratoriya teşkerüvi teşkil etildi", - yaza Aksönov.
Marnıñ 24-ünde Qırımnıñ rusiyeli başı Sergey Aksönov, Qırımda altı yañı koronavirus hastası tasdıqlanğanını bildirdi. Bundan evel Qırımdaki rusiye akimiyeti COVID-19 infektsiyasınıñ ilk adisesini tasdıqladı.
Martnıñ 28-inde saba Qırımda 2414 adam tibbiy nezaret altında edi.
Daa evel Qırım ve Aqyardaki Rospotrebnadzor idaresiniñ yolbaşçısı Natalya Penkovskaya, Qırımda martnıñ 27-sinde yedi yañı koronavirus hastası qayd etilgenini bildirdi. Böylece, umumen 14 adam hasta.
Daa evel Aqyarda beş koronavirus hastalığı adisesi tasdıqlandı.
Your browser doesn’t support HTML5
Коронавирус: фейки и пропаганда | StopFake News (видео)
Koronavirus yuqunçınıñ tarqaluvına yol bermemek içün işğal etilgen Qırım ve Aqyarda «yüksek seviyeli azırlıq» rejimi ilân etildi.