Qırımnıñ rusiyeli akimiyeti başınıñ muavini Mihail Seleznöv istifağa ariza bergen, bu aqta mayıs 20-sinde, akimiyetteki menbaasına esaslanıp “Krıminform” saytı yazdı.
Bildirile ki, mesken-kommunal hocalıqnı baş etken Seleznöv, “aileviy sebepler ile” öz isteginen istifağa ariza bergen.
Matruatqa köre, onıñ yerine yañı vitse-premyer Yuliya Jukova tayin etile bile. Bu malümatnıñ resmiy tasdıqlavı şımdilik yoq.
Mihail Seleznöv Qırım vitse-premyeri vazifesini 2018 senesi iyül ayından becere edi.