Qarasuvbazar rayonınıñ Üç Köz (Novoklenovo) köyünde qırımtatar milliy areketiniñ veteranı Veciye Kaşkanıñ ölüm yılına dua keçirildi, dep bildire Qırım.Aqiqat mühbiri.
Qırımtatar milliy areketiniñ rahmetli veteranı yaşağan evge Novoalekseyevka, Aqmescit, Eski Qırım ve yaqın qasabalardan tahminen 90 insan keldi.
İbram Kaşka, Veciye Kaşkanıñ oğlu
«Men aytqan edim ve daa bir kere tekrarlayım, «yürek tutuvı» kibi ölümniñ resmiy sebebine inanmayım. Eminim, urğanlar. Üç qaburğası sındırılğan edi, anam yürekten ameliyat olğan edi, amma üç qaburğanı nasıl sındırmaq mümkün edi – añlaşılmay», – dep ayta Veciye Kaşkanıñ oğlu İbram.
SEE ALSO: «Canlı meşal» Veciye Kaşka2017 senesi noyabrniñ 23-nde 82 yaşlı Veciye Kaşka vefat etti. Qırımtatar milliy areketiniñ veteranı FSB ve SOBR keçirgen mahsus tedbirlerniñ şaatı oldı. Uquq qoruyıcılar Aqmescitteki qavelerden birinde qırımtatarları Kazim Ametov, Asan Çapuh, Ruslan Trubaç ve Bekir Degermencini tuttı. Olarnı Türkiye vatandaşı Yusuf Aytandan para talap etkenlerinde qabaatladılar.
FSBniñ resmiy malümatına köre, bu adise vaqtında Veciye Kaşka yaramadı. Qadınğa «ilk yardım» çağırıldı, amma hastahanege ketkende Veciye Kaşka can berdi.
Oña qaraman dey ediler. Bir yıl Veciye Kaşkasız (süret toplamı)