Qırımnıñ işğali devamında tasil sisteması Ukrayina suverenitetini red etken ve tarihını deñiştirgen Rusiye tasiline tamamınen integratsiya etildi, dep bildirdi Ukrayina Prezidentiniñ Qırım MC Temsilcisi Tamila Taşeva.
"İşğalciler tasilni arbiyleştirmek içün çoq iş yapa. Ukrayin ve qırımtatar tillerinde tasil alma imkânı formaldir, o balalarnıñ yalıñız yüzde 0,1-ine berilmektedir", - dedi Taşeva.
Ukrayina Yuqarı Radasınıñ Tasil, ilim ve innovatsiyalar Kömitetiniñ oturışında vatandaşlarnıñ Ukrayina tasiline celp etilmesiniñ hususiyetleri ve işğalden azat etilgen topraqlarda tasil esnaslarınıñ ğayrıdan tikleme yolları meseleleri muzakere etildi.
Ukrayina uquq qoruyıcıları işğal etilgen Qırımda bala terbiyesiniñ arbiyleştirüv formatına defalarca diqqat çekti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.