"Qırım birdemligi" birleşmesi bildire ki, avgust 31-inde saba evinde tintüv yapılğanından soñ faal Ayder Kadırovnı Aqmescitke FSB idaresine alıp kettiler.
"Tintüvden soñ Ayder Kadırovnı Franko soqağındaki Aqmescit FSB idaresine alıp keteler", - denile beyanatta.
Bundan ğayrı faaller, Sudaq rayonınıñ Qoz (Solneçnaya Dolina) köyünde Ayder Ablâkimovnıñ evinde tintüv keçirilgenini bildi. O FVN-niñ hadimi olğanı ve yaş balanıñ babası olğanı bildirile.
Qırımda qırımtatarlarnıñ evlerinde tintüv, 2020 s. avgust 31
Avgustnıñ 31-inde saba Seyitler (Nijnegorskoye), İcki (Sovetskoye) rayonlarında ve Sudaqta rusiye quvetçileri qırımtatarlarnıñ evlerinde tintüvlerni keçirgeni belli oldı.
Fallerniñ malümatına köre, tintvler Ayder Kadırov, Enver Topçı ve Ridvan Ümerovnıñ evlerinde keçirile.
Rusiye quvetçileri bu vaziyetni açıq tefsir etmey.