Canköy rayonında tintüvden soñ tutulğan Ablâlim Ablâmitov sorğudan soñ çıqarılıp yiberildi, dep bildire Radio Svoboda rus hızmetiniñ jurnalisti Anton Naumlük.
Onıñ malümatına köre, Qırımdaki Rusiye İç işler nazirliginiñ idare hadimleri Ablâmitovnıñ 2013 senesi qonuşqan qıznıñ bağ vastalarını teşkerdi. Al-azırda o halqara seviyede qıdırıla.
Qıdırılğan kişi köz ekimi olıp çalışqan edi. Ablâmitov yaralanıp oña kelgen edi.
Noyabrniñ 8-nde saba Canköy rayonınıñ Qalay (Azovskoye) qasabasında yaşağan Halil Ablâmitovnıñ evinde tintüv keçirildi. Haber etilgenine köre, tintüvden soñ Rusiye uquq qoruyıcıları ev saibiniñ oğlu Ablâlim Ablâmitovnı ve ağır ayaqlı ömür arqadaşı Aycannı Aqmescitke alıp ketti.
Your browser doesn’t support HTML5
Qırımda yañı tintüvler: Ablâlim Ablâmitov tutılıp alındı (video)
Rusiye uquq qoruyıcılarınıñ izaatları yoq.
İşğalden soñ Qırımdaki faktik Rusiye akimiyeti mustaqil jurnalistler, vatandaş faalleri, Qırımtatar Milliy areketiniñ faalleri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtı ile alâqalı olğanlarından şübheli sayılğan Qırım musulmanlarınıñ evlerinde muntazam surette kütleviy tintüvler ötkere.