Fevral 27-sinde Qırımda qarlı yağmur ve küclü yel tahmin etile, dep bildire yarımada gidromettsentri.
Sinoptiklerniñ tahminlerine köre, Aqmescitte (Simferopol) bulutlılıq. Bazı yerlerde qar, duman ve buzlavuq. Şimal-şarqiy yel 7-12 m/s, kimerde 15 m/s-ge qadar köterilip üfürecek. Ava arareti0…-2°.
Bildirilgenine köre, Aqyarda (Sevastopol) bulutlılıq. Bazı yerlerde yağmur ve sılaq qar. Yel 10-15 m/s. Ava arareti kündüz +2…+4° derecede.
Qırımnıñ şimalinde bulutlılıq, qarlı yağmur, bazı yerlerde duman. Şimal-şarqiy yel 7-12 m/s, bazı yerlerde 20 m/s-ge qadar. Ava arareti kündüz 0…+2°.
Keriçte bulutlılıq. Bazı yerlerde yağanaqlar (qarlı yağmur). Şimaliy yel 6-11 m/s. Ava arareti kündüz 0…+2°.
Yarımadağa skandinav tsiklonı kele, dep haber etilgen edi. Ava bozuldı, yağmur, qar ve qar boranı başladı.