Rusiye tarafından ilhaq etilgen Qırımda uzun müddet devam etken qurğaqlıq, yaz başında olğan sıcaqnen beraber, yerli çiftçiler ve köylülerge büyük zarar ketire, dep bildire Qırım.Aqiqat mühbiri.
Qurğaqlıq o qadar küçlü ki, qurğaqlıqqa dayanıqlı ekinler bile zarar köre.
"Qurulıqtan zahire zarar kördi. Amma diger ekinler daa çoq zarar kördi, bazı bгçaqlı tarlaları, meselâ, Qarasuvbazar civarındaki тщрге tarlası, cıyılmağanı içün, bütünley terk etildi. Qurğaqlıqqa dayanıqlı efir yağınıñ tarlaları bile qurusa, ne aytacaqsıñız. Böyle bir şey çoqtan olmadı. Suvaruv içün suv olmağan şaraitlerde qurğaqlıq qırımlılar içün qorqunçlı bir belâğa çevirile", — dep tarif etti Qırım.Aqiqatqa Qarasuvbazar rayonında yaşağan, telükesizlik sebebinden soyadını aytmağan çifrçi.
Böyle şaraitlerde köylülerniñ çoqusı şahsiy yardımcı hocalıqtan vazgeçeler.
"Er şey qurudı, bu sene cilek az edi, orman sebzesiniñ tarlaları ise sıcaqtan yandı, çerdekli meyvalar bar, amma olar kiçik. Qızıqlıq ve qurğaqlıq sebebinden yeşil ot yoq, quru otlar, süt berüv seviyesi pek tüşti. Böyle şaraitlerde ot yoq, demek ki, ot olsa bile, onı yüksek fiyattan satın almaq kerek. Böyle şaraitlerde köy sakinleri ayvanlarnı azlaştırıp, bağçalardan vazgeçeler. Köylerniñ çoqusında suv basımı endi alçaq, çünki suv masrafı normalden ziyade ola. Men bellesem, yaqında söndürüvler başlanacaq, bu yazda Qırımda suvnen bağlı büyük problemler olacaq", – dep qayd etti çiftçi.
Qarasuvbazar yanındaki yanğan tarla, 2024 senesi iyün ayı
Qırımda devam etken qurğaqlıq ve yüksek sıcaqlıq sebebinden suv obyektleriniñ toluvı fenalaşa. Bazı kiçik özenler endi qurudı, daa büyükleri ise qurudı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.