Rusiye kontrolindeki Qırım parlamentiniñ reisi Vladimir Konstantinov Ukrayina sabıq baş naziri Arseniy Yatsenük, yırcı Jamalanıñ ve onıñ soy-soplarınıñ mal-mülkiniñ "milliyleştirilüvi" aqqında bildirdi, dep haber ete RİA Novosti Rusiye devlet agentligi.
Hususan, Aluştada topraq damartıları ve binası aqqında söz yürsetile, olar icraciniñ soy-soplarına ait.
"Deputatlarnıñ soñki qararı ile Arseniy Yatsenükniñ aktivleri de milliyleştirildi "Antey 2012" şirketiniñ faydalanıcısı", — dedi Konstantinov.
Parlament yolbaşçısınıñ aytqanına köre, Yaltada evelki ukrayin baş nazirine ait olğan oquv korpusı, garaj ve büyük topraq damartısı tutıp alındı.
Daa evel Qırımnıñ Rusiye akimiyeti Qırımda ukrayin vatandaşlarınıñ "milliyleştirilgen" mülkiyetiniñ satıluvından 1,7 milliard ruble qazanğanını bildirgen edi.
Ukrayina prezidentiniñ Qırım Muhtar Cumhuriyetindeki vekâletlisi Tamila Taşeva, Ukrayina insan ya da devlet aqlarını bozğan areketlerni tanımağa niyeti yoq, dep bildirdi. Bular arasında "milliyleştirüv" ya da mülkniñ musadere etilmesi, mirasnıñ belgilenmesi aqqında qararlar bar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.