Taisiya Generalova
Aqmescit – Qırımnıñ öz başına tayin etilgen baş-naziri Sergey Aksönovnıñ rusiyeli grajdanlığından vazgeçme müddetini uzatmaq sözleri tek söz ile qaldı.
Qırım.Aqiqat mühbiri Federal migratsion hızmetinde bulundı ve arizalarnı qabul etüvi işi ğayrıdan başlanmağanını qayd etti.
Teşebbüsçi Yelizaveta Bogutskayanıñ fikirince, Rusiye pasportından vazgeçmek içün müddetni arttırmaq kerek. «Çünki Aksönov bunı beyan etken edi. Şimdi Ukraina vatandaşları adından imzalarnı toplamaq ve Sergey Aksönovğa açıq mektüp yazmaq kerek», – dey qız.
Aytqanına köre, aprel 16 künü yani çarşembeden cumağa keçer gecesi 100 –ge yaqın insan cedvelge yazıldı. «Aqşamğa yaqın 40 adam qalğanda migratsion hızmetiniñ yolbaşçısı çıqıp, arizalar artıq qabul etilmeycek», dep bildirdi. «Cedvelge alınğan adamlarnıñ bir qısımı evlerine qayttı, çünki cuma künü de kelmege mümkün olacağını tüşündiler».
Kefe sakini Galina İvanovna şimdiki vaqıtta Kiyevde buluna. Qadın, ariza yazmaq içün müddet biraz daa uzatılır, dep, belley edi. «Daa yetiştiririm, dep tüşündim. Tanışlarım iş grafigini ögrenip nevbet aqqında da tarif eterler, belledim», – dedi o.
Kefeden Ukraina mudafaa küçleri yedek ofitseri Vladimir Minakov Rusiye grajdanlığından vazgeçmek içün ariza yazmaq kerekliginden açuvlana. «Menim içün çift grajdanlıq – hainliktir. Men yemin etken edim».
Vladimir Rusiye grajdanlığını avtomatik şekilde almaqnı yañlış, dep saya. «Qomşu devletniñ territoriyasını zapt etken memleket yerli sakinlerni kendi grajdanlığını almağa mecbur etken bir de bir galqara vesiqanı kösteriñiz», – dey ve ilâve ete: «Men vaqtınca zapt etilgen topraqlarda bulunğan Ukraina vatandaşım».
Minakovnıñ apayı – Natalya aqayınıñ fikirine qol tuta: «Biz bütün ömür Qırımda yaşadıq. Diger devletlerge köçmege imkânımız bar edi. Amma, Qırım, bizim içün tuvğan olğanını añladıq. Ve o, Ukrainanıñ ayırılmaz bir parçasıdır».
Amma, aynı zamanda Natalya, çeşit sebeplerden o ve ömür arqadaşı Rusiye grajdanlığını qabul etmege mecbur olacaqlarını qayd ete «yaşayış şaraitleri kerginleşse, bu kâğıtnı yani Rusiye pasportını almağa kerek olaсаqtır», – dedi o.
Aqmescit – Qırımnıñ öz başına tayin etilgen baş-naziri Sergey Aksönovnıñ rusiyeli grajdanlığından vazgeçme müddetini uzatmaq sözleri tek söz ile qaldı.
Qırım.Aqiqat mühbiri Federal migratsion hızmetinde bulundı ve arizalarnı qabul etüvi işi ğayrıdan başlanmağanını qayd etti.
Teşebbüsçi Yelizaveta Bogutskayanıñ fikirince, Rusiye pasportından vazgeçmek içün müddetni arttırmaq kerek. «Çünki Aksönov bunı beyan etken edi. Şimdi Ukraina vatandaşları adından imzalarnı toplamaq ve Sergey Aksönovğa açıq mektüp yazmaq kerek», – dey qız.
Aytqanına köre, aprel 16 künü yani çarşembeden cumağa keçer gecesi 100 –ge yaqın insan cedvelge yazıldı. «Aqşamğa yaqın 40 adam qalğanda migratsion hızmetiniñ yolbaşçısı çıqıp, arizalar artıq qabul etilmeycek», dep bildirdi. «Cedvelge alınğan adamlarnıñ bir qısımı evlerine qayttı, çünki cuma künü de kelmege mümkün olacağını tüşündiler».
Kefe sakini Galina İvanovna şimdiki vaqıtta Kiyevde buluna. Qadın, ariza yazmaq içün müddet biraz daa uzatılır, dep, belley edi. «Daa yetiştiririm, dep tüşündim. Tanışlarım iş grafigini ögrenip nevbet aqqında da tarif eterler, belledim», – dedi o.
Kefeden Ukraina mudafaa küçleri yedek ofitseri Vladimir Minakov Rusiye grajdanlığından vazgeçmek içün ariza yazmaq kerekliginden açuvlana. «Menim içün çift grajdanlıq – hainliktir. Men yemin etken edim».
Vladimir Rusiye grajdanlığını avtomatik şekilde almaqnı yañlış, dep saya. «Qomşu devletniñ territoriyasını zapt etken memleket yerli sakinlerni kendi grajdanlığını almağa mecbur etken bir de bir galqara vesiqanı kösteriñiz», – dey ve ilâve ete: «Men vaqtınca zapt etilgen topraqlarda bulunğan Ukraina vatandaşım».
Minakovnıñ apayı – Natalya aqayınıñ fikirine qol tuta: «Biz bütün ömür Qırımda yaşadıq. Diger devletlerge köçmege imkânımız bar edi. Amma, Qırım, bizim içün tuvğan olğanını añladıq. Ve o, Ukrainanıñ ayırılmaz bir parçasıdır».
Amma, aynı zamanda Natalya, çeşit sebeplerden o ve ömür arqadaşı Rusiye grajdanlığını qabul etmege mecbur olacaqlarını qayd ete «yaşayış şaraitleri kerginleşse, bu kâğıtnı yani Rusiye pasportını almağa kerek olaсаqtır», – dedi o.