İlhaq etilgen Qırımda mahkeme ukrayinni Ukrayina faydasına casuslıq (Cinaiy kodeksiniñ 276-ncı maddesi) davası boyunca 14 yıl sert rejimli koloniyada qalmasına üküm etti. Bu aqta Rusiye kütleviy haber vastaları Rusiye FSB-sine atıf etip bildire.
"Mediazona" yazğanına köre, müessise tarafından berilgen M. A. Suhaçevge (Mihail Suhaçev) qarşı dava başta Rusiye Federatsiyasınıñ Sverdlovsk vilâyet mahkemesinde baqılğan edi, soñra onı ilhaq etilgen Qırımğa yollağanlar.
Tahqiqatnıñ versiyasına köre, Suhaçev Zaporojjâ vilâyetiniñ işğal etilgen qısmında Rusiye ordusınıñ zenit-raketa bölükleriniñ işi aqqında malümatnı Ukrayinağa bergen.
Muarririyette mahkümniñ açıq izaatları yoq.
Ukrayinanıñ Rusiye tarafından işğalinden soñ işğal etilgen Qırımda cenkke qarşı çıqqanlar kütleviy surette taqip etile. 2023 senesi Rusiye Federatsiyasında eñ az 98 insan devletke qarşı cinayet işinde, 31 kişi casuslıqta, 19 kişi ecnebiylernen işbirlikte bulunğanında qabaatlandı. Mahkemelerge eñ azından 88 dava keldi, ve olardan 50-si boyunca qabaatlav qararı çıqarıldı, dep bildire Sibir.Aqiqat.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.