Ukrayina istihbaratı işğal etilgen Qırımda Rusiye ava mudafaasınıñ eki elementini yoq etkenini bildirdi. Ukrayina Mudafaa nazirliginiñ Baş istihbarat idaresiniñ bildirgenine köre, ücümler Arbiy istihbarat künü arfesinde yapılğan.
Qayd etilgenine köre, Faal areketler departamentiniñ pilotsız sistemalar idare bölükleri 48YA6-K1 "Podlet" radar stantsiyasını ve 55J6M "Nebo-M" kompleksinden RLM-M modulini urğan.
Müessisede, "Nebo-M" modüli areket etkende, Rusiye arbiyleri arbiy nevbetten ketkende, zarar körgenini añlattılar.
"Pilotsız sistemalarnıñ idare ekipajı ustaları Qırımdaki Rusiye istilâcılarınıñ eki paalı ava mudafaa obyektine tam darbeler endirdi", — dep aytıla Ukrayina Mudafaa nazirliginiñ Devlet havfsızlıq hızmetiniñ haberinde.
Rusiye akimiyeti arbiy tehnikanıñ ğayıp oluvını izaatlamadı. Qırım.Aqiqat muarririyeti malümatnı teşkere.
Evel, Ukrayina arbiyleri vaqtınca işğal etilgen Qırım territoriyasında muvafaqiyetli ameliyat keçirilgenini bildirip, anda arman ayınıñ 30-na keçken gecesi Saq arbiy uçaq alanında S-300 kompleksiniñ radar stantsiyası yoq etilgenini bildirgen edi.
2022 senesinden başlap yarımadağa aman-aman er kün arbiy uçaq ve raketalar ücüm ete, çoqusı allarda Rusiye Mudafaa nazirligi ya da Rusiye akimiyeti arbiy obyektlerge ücüm etilgenini tasdıqlamay.