İlhaq etilgen Qırımda orta küz ayınıñ 7-i malümatına köre RF ordusınıñ "diskreditatsiyası" maddesine istinaden 1585 memuriy dava açıldı, dep bildire Ukrayina prezidentiniñ Qırım Muhtar Cumhuriyetindeki Temsilciliginiñ malümatı.
"1449 davada para cezaları aqqında qarar qabul etildi ya da davalar başqalarına qoşuldı, daa 23 dava baqılmaqta. Eñ çoq taqip Ermeni Bazarda oldı — işğalci memuriyet şeerni repressiyalar merkezine çevirdi: yalıñız soñki altı ay içinde anda 224 istisal açıldı, yani yarımadada qayd etilgenlerniñ yarısından ziyadesi. Er kes zarar kördi: 755 qadın (52%) ve 691 erkek (48%)", —denile beyanatta.
Keçken ay ilk küz ayınıñ 15-i malümatına köre, Rusiye ordusınıñ "diskreditatsiyası" maddesine istinaden 1554 dava qayd etildi
Daa evel Ukrayina prezidentiniñ Qırım Muhtar Cumhuriyetindeki temsilciligi, Roskomnadzor Rusiye Federatsiyası tarafından işğal etilgen Ukrayina topraqlarında, şu cümleden Qırımda, informatsion boşluq üzerinde nezaretni quvetleştire, dep bildirgen edi.