Cuma künü, iyülniñ 26-nda, Qırımda Rusiye quvetçileri 29 yaşındaki qırımtatar Asan İsmailovnı tuttılar. Bunı Qırımtatar resurs merkezi bildire.
Uquq qoruyıcılarnıñ aytqanına köre, erkek "ZSU-nı bekley ve memleketniñ topraq bütünligini red ete".
QRM-niñ malümatına köre, mahkeme İsmailovnı vaqtınca tutuv izolâtorına yolladı ve 50 biñ ruble para cezasını berdi.
Bundan evel QRM, işğal etilgen Qırımda 2024 senesiniñ başından berli siyasiy sebeplerden 92 insan apiske alındı, 46-sı - qırımtatar, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.