Qırımda «Şamatalı qoranta» qırımtatar komediya serialınıñ ekinci mevsimi çıqarıla. Bu aqta «Qaradeniz production» studiyasınıñ baş müdiri Elzara İslâmova Facebookta haber ete.
«2-nci mevsimde daa çoq oyuncı, daa çoq sana, meraqlı vaziyet ve bizim, qırımtatar şaqalarımız daa çoq! Serial çekimlerinde iştirak etken bütün sponsor, ustaz ve kollektsiyacıcılarğa teşekkürler bildirem! Halqımız içün pek müim leyhalarnı beraber yapamız», – dep yazdı İslâmova.
Fevralniñ 9-nda «Şamatalı qoranta» birinci qırımtatar komediya serialı kösterilip başlandı.
Your browser doesn’t support HTML5
"Şamatalı qoranta": backstage. Birinci qırımtatar sitkomını nasıl çekeler (video)
«Şamatalı qoranta» adını alğan serial adiy qırımtatar qorantası aqqında ikâye ete, onıñ azaları çeşit meraqlı vaziyetlerge oğray. Serialnı çıqarğan Qaradeniz production studiyası onı er bir qırımtatar ailesi baqar, dep ümüt ete.