Rusiye tarafından işğal etilgen Qırımda Qarasuvbazar civarındaki eñ büyük dağ ocaqlarından biriniñ işi yaqıt olmağanı sebebinden toqtatıldı. Bu aqta Qırım faallerinden biri Qırım.Aqiqatqa bildirdi.
"Qarasuvbazarda, Qırımda eñ büyük şahtalardan biri yerleşken yerde, anda birden üç şahta şirketi çalışmaqta, iş toqtatıldı, on yıl içinde ilk sefer toz kilometrlerge tarqalmay", — dep bildirdi faal.
O şunı da qayd etti ki, bu karyerniñ yanındaki tarlalarda ekim kampaniyası da oqtatıldı.
"Qarasuvbazarnıñ yanında tamırları yetişken ekin tarlaları bar, amma olar da yaqıt olmağanı içün temizlenmey. Böyle vaziyet Qırımnıñ er yerinde. Regionnıñ iqtisadiyatı aman-aman felâketke oğradı", — dep qayd etti faal.
Qırımnıñ Rusiye akimiyeti bu vaziyetni izaatlamadı.
İşğal etilgen Qırım bir qaç künden berli fevqulâde vaziyet rejiminde yaşay. Yerli Rusiye akimiyeti onı Ukrayina mudafaa quvetleriniñ Rusiye Federatsiyasınıñ logistika ve infrastrukturalarına ücümleri sebebinden olğan yaqarlıq ve energiya qıtlığı sebebinden ilân etti.