Qırımda ilk qıl ayınıñ 31-nden qara qış ayınıñ 26-na qadar "Rusiye ordusını itibardan tüşürüv" maddesine istinaden 15 yañı memuriy dava açıldı (RF Memuriy cinayetler kodeksiniñ 20.3.3 maddesi). Umumen Qırımğa keñ kölemli basuv başlağanından berli 1672 dava qayd etildi, dep aytıla Ukrayina prezidentiniñ Qırım Muhtar Cumhuriyetindeki temsilciliginiñ Qırım yarımadasındaki vaziyet aqqında esabatında.
"1542 dava boyunca memuriy ceza şeklinde qarar çıqarıldı ya da diger madde boyunca diger davağa qoşuldı ve umumiy qarar çıqarıldı. 17 davasınıñ baqılması devam ete. Cinsiyetke köre 816 (53%) qarar qadınlarğa qarşı çıqarıldı, 724 (47%) erkeklerge qarşı", — dep aytıla haberde.
Hatırlatamız, 2025 senesi ilk qış ayınıñ 31-niñ malümatına köre, Ukrayina prezidentiniñ Qırım Muhtar Cumhuriyetindeki temsilciligi, "Rusiye ordusınıñ itibardan tüşürilmesi" maddesine istinaden 1657 memuriy dava qayd etilgenini bildirgen edi.
Bundan evel Ukrayina prezidentiniñ Qırım Muhtar Cumhuriyetindeki Temsilciligi, Roskomnadzor Rusiye Federatsiyası tarafından ilhaq etilgen Ukrayina topraqlarında, şu cümleden Qırımda, informasion boşluq üzerinde nezaretni quvetleştire, dep bildirdi.