Qırımda koronavirus hastalarınıñ sayısı kene arttı. Avgustnıñ 7-nde 388 COVID-19 hastası qayd etildi, bugün saba ise 391 yañı hasta qayd etildi. Bu aqta Kreml kontrolindeki yarımada yolbaşçısı Sergey Aksenovnıñ haberinde aytıla.
«Avgustnıñ 8-nde Qırım Cumhuriyetinde 391 yañı koronavirus hastası qayd etildi. 329 hasta tibbiy yardım içün muracaat etkende qayd etildi, 61 insan daa evel qayd etilgen hastalarnen alâqada oldı, 1 kişi çetelden keldi», – dep aytıla haberde.
Bir künde 66 insan tüzeldi, dep yaza Aksenov.
Hatırlatamız, avgustnıñ 8-nde Qırımda 388 COVID-19 koronavirus hastası qayd etildi.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
COVID-19 koronavirus yuqunçı
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.