Qırım futbol birliginiñ (QFB) Premyer ligasınıñ 16 basamaq matçları mart 9 ve 10-unda Bağçasaray, Kezlev ve Aqmescitte keçecek. Bu hususta QFB-niñ matbuat hızmeti bildirmekte.
Futbol birliginiñ bildirgenine köre, Agrarnoye qasabasında “Gvardeyskiy” Eski Lez (Skvortsovo) klubu ve “Okean” Keriç klubu oynacaq. O saat 14-te başlanacaq.
“Fiolent” stadionında “TSK-Tavriya” ve “Aqyar” futbol klubu arasında yarış olacaq.Oyun neticesinde, qaysı taqım bu mevsimde ğalip çıqacağı belli olacaq. Oyun saat 15-te başlanacaq.
Daa bir oyun Kezlevde keçecek. Yalta “İnkomsport”ı ve “Yevpatoriya” yarışacaq. Matç saat 15-te olacaq. Bazar künü saat 14-te Bağçasaray rayonında “Qızıltaş” ve “Krımteplitsa”nıñ oyunı olacaq.
2014 senesiniñ soñunda Futbol birleşmeleriniñ Avropa Birligi, Qırım klublarına Rusiye çempionatında iştirak etmege yasaqladı. UEFA yardımınen 2015 senesi Qırım futbol birligi yaratıldı.