Avgustnıñ 27-sinde Qırımda faal Edem Bekirovnı hastahanege qoyacaq olalar. Ukraina ombudsmeni Lüdmila Denisova Facebookta yazğanı kibi, Bekirovnı Cumhuriyet Nevrologuya hastahanesine qoyacaqlar ve 7-8 kün devamında baqacaqlar.
"Baqıluvnıñ neticesine köre, ekimler komissiyası çağırılacaq, o, Bekirovnı SİZOda tutmaq mümkünmi, yoqmı, dep belgilecek", - denile beyanatta.
Ukraina ombudsmeni, baqıluvda soñ Edem Bekirovğa kerekli tibbiy yyardım yapılır ve apiste tutulmasını ev tevqifine deñiştirirler, dep ümüt etkenini bildirdi.
Denisova, halqara topluluq "Bekirov efendiniñ davasını köz etsin ve onıñ aq ve azatlıqları bozulmasına razı olmasın", dep muracaat etti.
Tünevin Rusiye nezaretindeki Qırım Yuqarı mahkemesi, Bekirovnıñ Yañı Qapığa (Krasnoperekopsk) etapını lâğu etti.