Keçken künü Qırımda sekiz hasta koronavirus yuqunçından vefat etti, dep bildirile Qırımnıñ Rusiye sağlıq nazirliginiñ er künlik monitoring malümatında. Pandemiya vaqtında COVID-19-dan vefat etkenlerniñ umumiy sayısı 444 oldı.
«3639 insan (covid) ambulator tedaviylevde, 2875 kişi (covid ve pnevmoniya) hastahanede buluna, 27 insan observatorlarğa alındı. Umumen (pandemiya vaqtında) 22463 COVID-19 hastası qayd etildi. Tüzelgen 16938 insan yiberildi», – dep haber ete müessise.
Soñki afta Qırımda koronavirus hastalarınıñ vefat sayısında antirekord qayd etildi, dep bildirdi Qırım ve Aqyardaki Rospotrebnadzor idaresiniñ yolbaşçısı Natalya Penkovskaya. Onıñ qayd etkenine köre, hastalarnıñ yardım içün muracaat etmesi eñ sıq sebeplerden biri ola.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.