Qırımda bazarertesi künü, martnıñ 18-nde, az bulutlı ava olması beklenile, ava arareti 16 derecege köterilecek. Bu aqta yarımadanıñ gidrometmerkezi bildire.
Bu malümatqa köre, Aqmescitte cenübiy-şarqiy yel süratı saniyede 7-12 metrni teşkil etecek. Kündüz ava arareti +13…+15 derece olacaq.
Aqyarda – yağanaqlar olmaycaq, cenübiy yel süratı 6-11 metr, saba ve kündüz saniyede 10-15 metr olacaq.
Qırımnıñ cenübiy yalısında yağanaqlar beklenilmey. Gece ve saba bazı yerlerde tuman. Cenübiy-şarqiy yel süratı saniyede 7-12 metr, kündüz bazı yerlerde saniyede 15 metrge qadar artacaq. Ava arareti kündüz +11…+13 derece olacaqtır.
Haber etilgeni kibi, Keriçte az bulutlı ava, yağanaqlar yoq. Saba bazı yerlerde tuman, 500-1000 metr körüne. Kündüz cenübiy-şarqiyey yel süratı saniyede 6-11 metr. Kündüz ava arareti +9…+11 derece.