Qırımda aqıntı şişirme şiltede aqaynı deñizge, yalıdan 400 metr uzaqlıqqa alıp ketti, dep bildire Rusiye FVN-niñ Qırım idaresiniñ matbuat hızmeti.
“Kene Qara Deñiz suvlarınıñ devriyeciligi yapılğanında, qurtarıcılar, “Drujba” sanatoriyi yalısından 400 metr mesafede şişirme şiltede aqaynı taptı, onı aqıntı deñizge alıp kete edi”, - denile beyanatta.
Qurtarıcılar adamnı yaığa ketirdi. Qurtarılğannıñ tibiiy yardımda muhtacı yoq edi ve o hastahanege barmaqtan vazgeçti, dep bildire matbuat hızmeti.
Müessise suvda havfsızlıq qaidelerine uymasınıñ kerekligini hatırlattı.
Böyle adiseler Qırımda sıq-sıq ola. Qırım FVN-niñ malümatına köre, 2018 senesi iyülde Saq rayonında Qara Töbe (Pribrejnoye) qasabasında aqıntı eki balanı şiltede deñizge alıp ketti. 2018 senesi iyülde aqaynı Yalta yalısından 300 metrge alıp ketti.