Rusiyeli Qırım içtimaiy siyaset naziri Yelena Romanovskaya, ilhaq etilgen Qırımda antivirus ilâclarınıñ qıtlığı bar olğanını ve bir sıra ilâclarnıñ paalılaşqanını ayta.
"312,5 biñ maska bar, fiyatları 24-40 ruble, soñ künlerde başqa teminat olmadı. Amma bu qadarı da yeterli. Rusiye sağlıq nezaretiniñ teskerüvine köre, satuv fiyatlarınıñ 0,5% bozulması bar... Kimerde antivirus ilâclarınıñ qıtlığı bar", - dedi Romanovskaya.
Bundan ğayrı, top satuv teşkilâtlarında antiseptiklerniñ fiyatı 18-den 700 biñ rublege qadar, marka ve kölemine köre farqlanalar.
Qırımda 51 tasdıqlanğan COVID-19 adisesi bar. Aqyarda - 18.
Qırımda özüni izolâtsiya etüv rejimi aprelniñ 30-na qadar, Aqyarda ise aprelniñ 19-na qadar uzatıldı.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
Your browser doesn’t support HTML5
Коронавирус – «биологическое оружие»? | Крым.Реалии ТВ (видео)