Rusiye akimiyeti Qırım topraqlarını Zaporijjâ, Donetsk, Lugansk ve Herson vilâyetleriniñ işğal etilgen qısımlarında sahte saylavlar keçirmek içün qulanmaq niyetindedir, dep haber ettiler Prezidentniñ Qırım MC daimiy temsilciliginde.
"İşğalciler sahte saylalvrnı keçirmek içün azırlanalar ve saylavlarnı keçirmek içün işğal etilgen yarımadanıñ topraqlarını qullanacaq olalar", - dep yazıla bildirmede.
Haber etilgeni kibi saylav bölükleri Aqyarnıñ dert rayonında olacaq. Bundan ğayrı, savlar komissiyalarnıñ azalarına insanlarnıñ evlerine barıp, olarnı rey bermege mecbur ettirmek emir berilgen.
Temsilcilikte qayd etkenleri kibi, episi olıp Qırımda 15 saylav bölügi çalışacaq eken.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.