Cuma künü, mayıs 23-de, Kiyevde Rusiyeniñ Qırım işğalinden soñ yarımadanı mecburen terk etken qırımlılarnıñ birinci qurultayı ötkerilecek.
Ukraina Prezidentiniñ Memuriyet bölüginiñ reberi Andrey İvanets Çernomorskaya teleradiokompaniyasınıñ efirinde bergen malümatqa köre, qurultayğa tahminen 200 delegat kelmesi beklenile, akimiyet organları, halqara ve gumanitar teşkilâtlarınıñ vekilleri de qoşulmağa niyetleneler.
Teşkilâtçılar belgilegen toplaşuv maqsadı – evlerini qaldırıp ketken qırımlılarnıñ problemlerini muzakere etmektir.
İvanets aytqanına köre, qırımlılar devletniñ müim meseleleri bar olğanı, em de akimiyetni yalıñız tenqid etmek degil de, özleri de ratsional tekliflerni azırlap ve olarnı al etüv yollarını teklif etmek kerek olğanını añlaylar.
Toplaşuv teşkilâtçıları rezolütsiya leyhalarını azırladılar.
Farqlı malümatlarğa köre, Qırım işğalinden soñ qıtağa 10 binden 20 binge qadar adam köçip ketti. Konferentsiya işi beş işçi gruppasına bölünecek. Mında kira, içtimaiy teminlev, devlet organları ile bağ, iş ve bank faaliyeti, qanun meselesi baqılacaq.
Teşkiliy komitet reislerinden biri Andriy Şçekunnıñ bildirgenine köre, eñ-evelâ kira meselesi al etilmeli.
Ukraina Prezidentiniñ Memuriyet bölüginiñ reberi Andrey İvanets Çernomorskaya teleradiokompaniyasınıñ efirinde bergen malümatqa köre, qurultayğa tahminen 200 delegat kelmesi beklenile, akimiyet organları, halqara ve gumanitar teşkilâtlarınıñ vekilleri de qoşulmağa niyetleneler.
Teşkilâtçılar belgilegen toplaşuv maqsadı – evlerini qaldırıp ketken qırımlılarnıñ problemlerini muzakere etmektir.
İvanets aytqanına köre, qırımlılar devletniñ müim meseleleri bar olğanı, em de akimiyetni yalıñız tenqid etmek degil de, özleri de ratsional tekliflerni azırlap ve olarnı al etüv yollarını teklif etmek kerek olğanını añlaylar.
Toplaşuv teşkilâtçıları rezolütsiya leyhalarını azırladılar.
Farqlı malümatlarğa köre, Qırım işğalinden soñ qıtağa 10 binden 20 binge qadar adam köçip ketti. Konferentsiya işi beş işçi gruppasına bölünecek. Mında kira, içtimaiy teminlev, devlet organları ile bağ, iş ve bank faaliyeti, qanun meselesi baqılacaq.
Teşkiliy komitet reislerinden biri Andriy Şçekunnıñ bildirgenine köre, eñ-evelâ kira meselesi al etilmeli.